PEGARATES

Ye el tiempu les pegarates y mientres en media España la preocupacion ye el tiempu que va facer pa dir de puente o si llovera pa sacar los santos de les iglesies en ese procesiones eternes en la Cuenca del Nalon y en toa Asturies el tinglao ye el ponese de acuerdu con los afiyaos y con los padres pa llevayos la pegarata.
Digo la pegarata por que tradicionalmente ye lo que se daba el dia de Pascua y normalmente taben feches en casa por les manes expertes de nuestres gueles y madres que gastaben pa faceles toes les ablanes que se cosechaben en la zona.
 Como en todo los tiempos van cambiando y ahora ya nun se anda siquiera a ablanes y aquelles cocineres magistrales van desapaeciendo o acomodandose a la modernida y a la comodida de dir y comprar les tartes en les confiteries que estes si que prosperaron como la espuma. Y ya que hablo de confiteries acuerdome ahora de una de les mas tradicionales de La Pola que segun oi per ahi cerro definitivamente la puerte y que yera Casa Veneranda. Toy seguru que los que ya tenemos una eda nun queda naide que nun haya comio alguna vez tartes de esta confiteria o los conocios como Bartolos que dicen que ye el postre tipicu de Laviana y que curiosamente nun ta en la carta de postres de ningun restaurante del concejo.
Volviendo al asuntu decibos que ahora ye muy comodo dir a esos sitios y encargar un Roscon de unos cuantos pisos, sera por que abulta mas, y llevalu envueltu en isi papel blancu que debe ser lo unico que se conserva de lo de antes.
Bueno por lo menos los que dan roscon dan algo dulce que en algo se paez a la pegarata y otros quieren mas dar algun regalu en forma de ropa o unes cuantes perres pa satisfacer al que lo recibe.
Yo sigo con la tradicion de regalar tarta casera y a un de los mi afiaos lleva mas de 20 años recibiendola aunque tengo que reconocer que con la pegarata llevoy tamien un sobre con euros pa ayudalu a los gastos diarios.
Y como los tiempos cambien voy a ensiñabos lo que tope en Interne pa facer un detalle pa los afiaos o pa celebrar algun cumpleaños de los guajes. Ye un tren de chocolate que se fae en un plis plas sin falta de cocinar na y sin emporcar ni un cacharru en la cocina. Lla mase tarta Milres por que la base principal son los bizcochos de esa marca aunque en cualquier conomato ailes paecies que se puen usar. Viendo la foto y con imaginacion pues facer un tren despampanante que vas a dejar impresionau a mas de un.
Los ingredientes aparte del bizcochu son gominoles, nubes lacasitos, filipinos chocolatines y to lo que se te ocurra poney siempre que el resultau final se paezca un poco a un tren.
Aqui teneis les fotos del mi tren fechu mientres comia y que ye evidentemente mejorable.

ESPICHANDO EN VILLORIA

En un diccionariu asturianu que mire diz que la espicha ye una reunion de xente alreor de un tonel pa beber y cantar, Tamien diz que la palabra vien del castellanu  espita, que me paez que ye una pieza que se espeta en la barrica y a la accion de abrir isi aparatu llamase espicha o espircha.

Laviana ye la capital de les espiches y nun queda un rincon del conceyu que nun  celebre alguna bien a modo de negociu o bien entre unos cuantos amigos aprovechando cualquier disculpa.

Desde fae unos años el Ayuntamientu tuvo que regulales y facer unes normes pues fue tal la avalancha de locales nonde se celebraben espiches que ya habia mas que chigres y claro de aquella como nun tenin que pagar na por faceles los chigreros que pagaben religiosamente los impuestos echaben chispes pues estos meses nun vendin ni una pinta y los sitios habilitaos pa les espiches dedicabense a vender de to como si fueran restaurantes de cinco teneores. Dibes a una espicha y podis comer un pate de cabrachu delante y pa detras sopa de mariscu y chuleton terminando con un postre de alta confiteria. Y como la sidra animaba mas de la cuenta acababase tomando un cientu cubalibres sin movese del llagar.

Con la nueva normativa eso cambio y teoricamente hay munches limitaciones que hay que cumplir si quies tener permisu pa espichar.

Volviose a lo tradicional, arrimandoi alguna cosuca mas, y podemos disfrutar de huevos cocios, tortilles y la estrella de toes les espiches que son los concejales. Pero nun creer que son los concejales de coche oficial y sueldu desmesurau, no estos son unos cachos de bacalao rebozaos y fritos que hay que chupase los deos. Lo que nun cambia munchu ye la calida de la sidra, en algunes hay que agarrase a alguna coluna pa beber el primer culete pero bueno faese un esfuerzu y los otros ya entren solos. Habia que facer una faculta en la universida pa mandar a tos estos quimicos aficionaos que nun se sabe muy bien que ye lo que mezclen que algun dia baxa el Nalon turbiu de les cagaleres que mos espeten. Pero bueno hay que apoyar les tradiciones y como buenos lavianeses tenemos que siguir apoyando estes coses y faciendo por andales toes y sobre to si los que les organizen faenlo pa recaudar fondos pa alguna asociacion o fiesta.

Esti ye el casu de la que hay en Villoria isti fin de semana y que la faen les rapazes que van a organizar la cabalgata de Reyes del pueblu y que yos faen falta perres pa tener un desfile de primera, asi que muncha suerte pa estos dis y a colaborar con elles ayudandoles en el trabayu o diendo a comer y beber y sobre to despues a cantar aunque sea mal como diz la definicion de espicha.