FIESTA DE LA CASTAÑA EN VILLORIA

Hay una cancion de los Berrones que diz "llega l'aire les castañes y cae dalguna gotera" y yo arrimariai que en Villoria faen la fiesta La Castaña.
Acabo de pasar per delantre de la iglesia y veo que tan armando el entoldao y eso solo se fae pa andar de murga y en isti mes de noviembre nun pue ser pa otra cosa que pa celebrar la fiesta mas popular del otoñu lavianes. Mientres escribo esto nun se el formatu que va a tener la fiesta pues a lo mejor ye solo pa los guajes de la escuela o la comision que fexo les fiestes de San Antonio van a facer esta tamien pero lo que si ye seguro que de una manera o otra va siguise con la tradiccion de asar unes castañes y beber unos vasinos de sidra dulce.

Esto que ahora paez normal y que lo faen en munchos sitios de Asturies y yo creo que en tos los colegios de tos los pueblos de la nuestra tierra a finales de los ochenta nun existia per ningun llau, como munchu en les cases poninse les castañes enrriba la chapa de la cocina de carbon o cocinse en una lata to pa consumo caseru.
En el añu 1987 per les fiestes de San Antonio de Villoria llovió a ramar tos los dis y el resultau fue que la comision quedo empeña hasta los gueyos asi que hubo que facer actividaes alternatives pa pagar les deudes y una cosa que se yos ocurrió a la comision que taba encabezá por Milion el alcalde fue facer un baile de la castaña en casa Peton con amaguestu incluiu que fue todo un exitu y que punxo la primera piedra de lo que fue la Fiesta de la Castaña.

A partir de qui fue creciendo el festival que empezó a celebrase en el campu en entoldaos per onde pasaben les mejores orquestes del momento con una afluencia de xente impensable ahora con distintes comisiones hasta que la crisis, aunque nun fuera la culpable ahora carga con to, acabo poco a poco con la fiesta llegando a desapaecer algun añu.
A lo llargo de estos mas de venti años de Fiesta de la Castaña fexose de to y lo que se me fae imposible ye que yo nun tenga ninguna foto de to lo muncho y bueno que pudimos disfrutar tantu tiempu.
Yo que pase en la comision munchos años acuerdome sobremanera el primer añu que vendimos bombones de castaña que fazimos con la ayuda de munches muyeres de Villoria y que yeren una noveda en la reposteria de la zona y nun dabemos abastu a facer tos los que mos pidin. Tamien fue emotivo la creacion de un premiu que se llamaba Castaña de Plata y que intentaba premiar a les persones que destacaran popularmente en el concejo y que entre otros distinguió al ya falleciu y siempre recordau Manolo Portal y que dejemos de entregar por que siempre habia lio en pueblu por les persones que premiabemos y como nun se trataba de engarrase hubo que dejalo.Otra cosa importante fue la creacion de un Menu de les castañes que taba compuestu de castañes esmondiaes, carne en salsa de castañes y tarta de castañes a los que se arrimó despues callos y adobu por ser tradiccion de esta epoca del añu. Ahora por desgracia ya nun hay isi menu y lo que ye peor ya nun queden casi chigres nonde poder cenar unos callinos ahora pel inviernu.
Que buenos recuerdos de esta fiesta y que pena que nun pueda ponebos hoy ninguna foto de ella por que como dixi antes nun les tengo asi que como siempre pidobos por favor que si alguien tien algo que me lo deje pa mi recuerdu personal y pa ensiñallos a los mas jovenes el pasau festeru del so pueblu.