Digo que les coses cambien por munchos motivos que voy a cuntabos a continuacion.
Lo primero son les feches de celebracion del carnaval que van cambiando en funcion de los intereses de los chigreros y de los ayuntamientos. Antes y nun me atrevo a dicir cuando el carnaval empezabase dos domingos antes de antroxu, llera cuando se disfrazaben los guajes, y llamabase el flacu o domingo del flacu. Al siguiente domingo llamabase el gurdu y creo que ya se disfrazaben los mayores y despues taba el martes de carnaval nonde mos amazcarabemos tos y que igual tenia menos exitu que los domingos del flacu y del gurdu por que entonces nun se celebraben fiestes locales y el trabayu nun dejaba munchu tiempu pa andar de farra.Ahora la fiesta dura un mes por que claro pa que haiga xente algunos ayuntamientos de Asturias,con excepciones, pa nun coincidir con otros allargenlo lo que sea necesario y asi hay fiestes de carnaval hasta semana santa.
Utru de los cambios que veo yo en el carnaval son los trajes, pues ahora hay xente que se gasta un monton de perres y paez que van a desfilar a la pasarela Cibeles en vez de disfrutar de la esencia de la fiesta. Los de antes nun mos preocupabemos de los trajes hasta cinco minutos antes de amarutase y la solucion yera metese en los armarios de los guelos o de los padres y cambiar de sexo en el vestuario,normalmente los hombres de muyer y les muyeres de hombres asi que el principal entretenimientu de entonces yera palpar pa saber de que bandu yera el mazcaru con el riesgu de que algun te diera algun castañazu. Y pa tapar la cara nun habia estes caretes de diseñu que hay ahora que igual alumbren los ojos que echen fumo per les narices o sangre per la boca les que tenimos lleren unes caretes de carton que a veces taben feches por nosotros mismos y con to eso a caleyar pel pueblu provocando a los vecinos por que como nun mos conocin aprovechabemos pa facer alguna trasta. Bueno lo de les caretes fue un poco posterior por que lo de tapar la cara hubo un tiempu que taba prohibio por el mandamas de entonces por tema de segurida exactamente lo que ta pasando ahora con les muyeres arabes y el burka. Y hablando de muyeres antes nun habia eses reuniones erotico festives, pa celebrar les Comadres, que se monten ahora en discoteques y restaurantes mas bien a les muyeres de antes tocabayos facer fayuelos hasta que el cazu quedaba afumiau pa los que andabemos al galope per Villoria y per tos los pueblos de Asturies llenaramos la barriga y quitamos la fame pues entonces nun habia problemas de obesida.
Paezme que ya ta bien de dar la parpayuela y voy ensiñabos solo dos fotos, casualmente son solo les que tengo, y esta primera del añu 1979 pongola como un pequeñu homenaje al mi vecin Mariano Revuelta que el probe anda engarrau con los fios pa que y pongan el blog y en el que se ve la probe imagen de vestuario que llevabemos en aquellos tiempos. Tamien tengo que aclarar que esta foto nun ye de carnaval sino de les fiestes de San Antonio en les que celebremos un maraton folkloricu popular pero como diji antes lo nuestro yera amazcarase. Aqui ta agachau Juan el del Cantu y de pie Goyo, Tino Felguera y Mariano.
Y una segunda foto en la que apaez Gelu el Cazurru, Goyo y un rapaz de La Pola que se llama Fernando Castro y que tabemos antroxando per la Pola en una edicion dedica a les pelicules de vaqueros y en la que nosotros con pocu gastu intentamos dir de enterraores que yera un chollu en eses pelicules.
Y pa terminar dicibos que si quereis salir en esta pagina nun teneis mas que mandame les vuestres fotos amazcaraos durante esta semana al correo electronicu que ta puestu arriba en el contactu diciendome siempre de quien se trata y tendreis vuestru minutu de gloria en la red.
No hay comentarios:
Publicar un comentario