miércoles, 19 de octubre de 2011

PUENTE DE LA CHALANA

Fay unos dis lei en un periodicu quel ayuntamientu de Laviana habia empezao con los tramites pa declarar La Chalana como zona de baños. Nun se si esta vez se va a conseguir pero lo que si se ye que en Llanos en el conceyu de Aller tienen un sitiu habilitau tos los veranos pa disfrutar del rio y con un merenderu al llau que tien pinta de ser un sitiu muy afayaizu.
Nosotros tenemos lo mejor que se pue tener pa que los que nun mos gusta munchu la arena de les playes nin el agua salao puedan tamien disfrutar los pocos dis que hay de verano de unos chapuzones en el Nalon como fazin fae tiempu tos los vecinos de la cuenca,. Seguramente los jovenes de ahora nun se puen ni imaginar como taba  La Chalana en aquella epoca y por eso voy a ensiñabos unes fotos historiques y que seguramente nun se van a repitir salvo que a los ayuntamientos costeros yos de por cobrar por bañase en les playes pa salir de la crisis.
La Chalana debe el su nombre a unes pequeñes barques que usaben los vecinos pa pasar de un llau al utru del rio pues daibos cuenta que en eses epoques el rio baxaba un caudal de agua bastante mayor que el que baxa ahora y los unicos puentes que habia lleren los que habin fecho los romanos o sea el de Puente de Arcu y el de Olloniego.
Como podreis imaginar esto yera un lio pues cuando queris pasar dependis de que tuviera el barqueru y que como se pue ver tenia que ser hasta peligroso asi que los llugareños decidieron facer un pasu de maera que facilitara el cruce de una orilla a la otra.


 El rio yera y ye bastante anchu y el puente de maera suponia munchu trabayu y munches perres el facelu con el problema añadiu de que tos los años lu tiraben les enriaes por lo que hubo que ponese manes a la obra pa facer un de cemento en condiciones y solucionar de una vez el tema y aqui vemos el puente nuevu construiu en el añu 1926 y que costo unes 100.000 pesetes y el vieyu de maera.
Pero el puente por lo visto nun taba muy bien fechu y una enria el 6   de noviembre de 1938 dejolu impediu pal traficu rodau por lo que hubo que acometer la construcion de utru puente nuevu en el añu 1951. Isti que vemos con Peña Mea de fondo fue restructurau en el añu 2007 pa permitir el pasu de peatones con una cera un poco mas ancha y xuntar los dos paseos que rodeen el Nalon.
 
Y aqui vemos el puente en la actualida, lugar de pasu pa tos los lavianeses y un sitiu que tos los habitantes del nuestru conceyu llevamos muy metiu en el corazon

 La Chalana se constituyo en un sitiu de referencia pal verano y los bañistas disfrutaben del Nalon con toes les comodidaes incluso con casetes de bañu como podeis ver en estes semeyes.


 Yera tal la afluencia de xente de toa la cuenca que El Carbonero y el Ferrocarril de Langeo subin abarrotaos de vecinos que querin disfrutar de esta playa fluvial.
 Y les siguientes fotos son el mejor reflejo de lo que pasaba entre los regodones de La Chalana con un ambiente paeciu al de la playa de San Lorenzo y que aunque nun se va a volver a repitir toy convenciu de que si se consiguen vencer les barreres burocratiques y declaralo Zona de Baños va a ser un aliciente mas pa que los turistas disfruten del nuestru conceyu y pue ser un revulsivu pa capear los momentos bajos que tamos viviendo.





Y pa terminar que mejor manera de terminar con la cancion del Chalaneru que habremos cantao un millon de veces y que representa el himno que tos sentimos como nuestru.

4 comentarios:

  1. Muy buen artículo Goyo.
    Leticia.
    P.D. Veo to los días La Chalana desde casa!!!!

    ResponderEliminar
  2. Me encanta goyito!!!
    Yo aunque no sea zona de baños, bañome to los años!!

    ResponderEliminar
  3. Muy buena informacion, estoi escribiendo un libro sobre ciencia ficcion sobre laviana, y estos datos me sirven para meterlos en mi proyecto como una revelacion a mis personajes

    ResponderEliminar
  4. La imagen sobre La Chalana (10 de 15) es "La Planá". Corresponde al rio Nalón a su paso por el Condado (frente a donde hoy está construido "El Cañál".

    ResponderEliminar